ليه عملنا اول كورس بالعربي في برنامج shapespark؟

 

لان البرنامج ده بيقدملك مميزات جميله مش هتلاقيها في البرامج المشهورة اللي شغالين عليها من حيث الاظهار للتصميم !

ايه هي المميزات دي ؟!

 

اولا : بتقدر من خلاله تطلع ريندر لكاميرات ثابته او صور ٣٦٠ درجه

 

ثانيا: بتقدر ترسل للعميل رابط يضغط عليه من موبايل او كمبيوتر بيتفتح المشروع ادامه و بيتجول فيه براحته

 

ثالثا: و هو بيتجول تقدر توفرله تفاعلات مع التصميم نفسه زي انه يشغل مثلا ال TV او يختار خامه مثلا ل Furniture او Wallpaper من بين اكتر من خامه بتوفرهم ليه

 

رابعا: بتقدر توفرله Telepoint و دي يعني كاميرات في الاماكن اللي بتعرض التصميم بشكل سريع من خلال الضغط علي اسم الكاميرا

 

خامسا: بتقدر تنقل العميل لاي موقع ويب او فيديو مثلا بيتكلم عن اي جزئيه في التصميم بتاعك كتوضيح ليه

 

سادسا: البرنامج ده متكامل مع البرامج اللي شغالين عليها كلنا سواء ماكس او ريفيت او اسكتش اب او اي برنامج ثري دي تاني

 

سابعا: يعتبر من حلول الريندر القويه جدا بالنسبه لبرنامج زي الريفيت المعماري

 

ثامنا: بتقدر من خلاله تحول المشروع بتاعك لبيئه تجول اونلاين يقدر العميل يشوف منها التصميم بكل تفاصيله بدون ما تحتاج تعمله انميشن

 

تاسعا: تقدر من خلال الكاميرات المتعدده في اكتر من مكان في المشروع تخلي العميل يعمل زي رحله بين الكاميرات دي و اللي بتغني عن الريندر لساعات طويله علي برامج تانيه

 

عاشرا: البرنامج ده يعتبر انريل انجن بس علي صغير ..بيوفرلك امتيازات كتير في الاظهار المعماري مباشره و بيتعامل بطريقه ال Light baking يعني بيرندر و بيحتفظ بالريندر علي الاجسام و بالتالي في كل مره تفتح المشروع تلاقيه مترندر